Në datat 5-7 Qershor 2011, në Munih të Gjermanisë u zhvillua takimi vjetor i 16-të, “Aleanca Globale për Edukimin Mjekësor”, (Global Alliance in Medical Education). Ekspertë të ndryshëm nga e gjithë bota, mes të cilëve edhe Entela Shehu, drejtore e QKEV-së, ndanë mes tyre të rejat më të fundit në lidhje me standardet, perspektivat dhe tendencat e EVM (edukimi i vazhdueshëm mjekësor). Tema kryesore e këtij takimi ishte “Bashkëpunimi në Edukimin e Vazhdueshëm Mjekësor”, mbi të cilin Dr. Shehu bëri një prezantim mbi sistemin e edukimit në vazhdim në Shqipëri, ecurinë dhe sfidat e tij. Aleanca Globale për Edukimin Mjekësor është një organizatë jo-fitimprurëse që i përkushtohet edukimit mjekësor në botë. E themeluar që në vitin 1995, ajo shërben si një forum ku shkëmbehen ide dhe eksperienca midis organizatave të ndryshme në lidhje me zhvillimin dhe ofrimin e EVM.Klikoni link-un e mëposhtëm për të shkarkuar të plotë materialin:
