Nënshkrimi i Memorandumit të Bashkëpunimit mes QKEV-së dhe UMSH.
Qendra Kombëtare e Edukimit në Vazhdim ka nënshkruar ditën e djeshme një memorandum bashkëpunimi me Urdhërin e Mjekëve të Shqipërisë, nëpërmjet të cilit do të institucionalizohet bashkëpunimi dhe angazhimi mes palëve. QKEV dhe UMSH e konsiderojnë të domosdoshme rritjen dhe përmirësimin e vazhdueshëm të kompetencës dhe performancës profesionale të mjekëve përmes formave të organizuara të Edukimit të Vazhdueshëm Mjekësor (EVM). Të dy institucionet bien dakort të bashkëpunojnë për të nxitur dhe mbështetur këto forma në përputhje me nevojat dhe kërkesat professionale të mjekëve. EVM shërben për të zhvilluar dhe rritur njohuritë dhe aftësitë shkencore të mjekëve në aspektin teorik, praktik dhe etiko-profesionale në përputhje me zhvillimet dhe konceptet më të reja të shkencave mjekësore.
