Njoftim për ofruesit e aktiviteteve të përsëritura të edukimit në vazhdim
Qendra Kombëtare e Edukimit në Vazhdim ju bën me dije të gjithë ofruesve të aktiviteteve të edukimit në vazhdim për profesionistët e shëndetësisë se:
Për përsëritjen e aktiviteteve që janë akredituar më parë nga QKEV-ja, çdo organizuesi i këtyre aktiviteteve ka detyrimet si me poshtë:
- Të dërgojë, pranë QKEV-së, një kërkesë me shkrim ose me email, minimalisht 7 ditë kalendarike përpara zhvillimit të aktivitetit , ku të kërkohet përsëritja e tij. Në këtë kërkesë duhet të specifikohet titulli i aktivitetit dhe numri i protokollit të shkresës së miratimit të këtij aktiviteti nga QKEV-ja. Kërkesa duhet të jetë e firmosur dhe vulosur nga titullari i institucionit/shoqatës që ofron aktivitetin trajnues.
- Shkresës së sipërpërmendur, duhet ti bashkëngjitet një program i aktivitetit, që duhet të përmbajë temat e aktivitetit, lektorët respektivë, vendin (qytetin, mjedisin), datën dhe orën ku dhe kur ky aktivitet do të organizohet.
- Kërkesa për përsëritjen e aktivitetit të shoqërohet me pagesën e një tarife sa gjysma e tarifës së akreditimit fillestar.
Bazuar në dokumetet e mësipërme QKEV ruan të drejtën të vlerësojë aktivitetin si të përsëritur, bazuar në përmbushjen e kritereve dhe standardeve të tij krahasuar me aktivitetin fillestar të akredituar prej saj.
Cdo aktivitet I përsëritur që nuk ka plotësuar kriteret e mësipërme nuk do të njihet si i akredituar nga QKEV-ja.
Akreditimi i një aktiviteti është i vlefshëm për një periudhë trevjeçare nga momenti fillestar i akreditimit.
