Njoftim për Ekspertët e Pavarur
Qendra Kombëtare e Edukimit në Vazhdim fton të përfshihen si Ekspertë të Pavarur në vlerësimin e jashtëm të aktiviteteve të edukimit në vazhdim për profesionistët e shëndetësisë:
• pedagogët e brendshëm dhe të jashtëm të Universitetit të Mjekësisë, si dhe të institucioneve jopublike të arsimit të lartë të akredituara dhe licencuara nga Ministria e Arsimit dhe Sportit institucionalisht dhe për programin përkatës të studimit ku ata ushtrojnë aktivitetin, sipas fushës përkatëse të ekspertizës;
• mjekët, farmacistët, stomatologët që kanë mbi 10 vite eksperiencë në fushën për të cilën kërkohet ekspertiza dhe kanë fituar gradën shkencore “Doktor”. Ata që kanë përfunduar studimet jashtë vendit duhet të jenë të pajisur me vërtetimin përkatës të njësimit nga Ministria e Arsimit dhe Sportit;
• infermierët, mamitë, logopedët, fizioterapistët, imazheristët, që kanë mbi 10 vite eksperiencë në fushën për të cilën kërkohet ekspertiza, si dhe që janë të pajisur me diplomën “Master i Shkencave” të vlefshme në të njëjtën fushë të ekspertizës për vlerësimin e aktiviteteve të edukimit në vazhdim. Ata që kanë përfunduar studimet jashtë vendit duhet të jenë të pajisur me vërtetimin përkatës të njësimit nga Ministria e Arsimit dhe Sportit.
Të gjithë ekspertët duhet të jenë të licencuar për ushtrimin e profesionit përkatës brenda ose jashtë vendit.
Dokumentat qe duhen dorezuar ne QKEV janë:
1 Curriculum Vitae. 2. Diploma për titujt shkencorë 3. Leja e Ushtrimit të Profesionit
Të interesuarit mund të kontaktojnë me QKEV në adresën:
Rr. Aleksandër Moisiu, Nr. 84 Tiranë Shqiperi E-mail: Kjo adresë emaili po mbrohet nga spambotet. Të duhet aktivizimi i JavaScript për me e pa.
Tel.: +355 4 2452286 Fax.: +355 4 2452286 http://www.qkev.gov.al
