Trajnim për trajnerët “Nga aktivitetet pasive të edukimit në vazhdim drejt atyre ndërvepruese”
Në kuadër të rritjes së kapaciteteve të profesionistëve të shëndetësisë në drejtim të organizimit dhe ofrimit të aktiviteteteve të edukimit në vazhdim, QKEV organizoi një trajnim për trajnerët për infermierët e disa institucioneve shëndetësore të Tiranës dhe disa qarqeve me temë “Nga aktivitetet pasive të edukimit drejt atyre ndërvepruese”.
Ky trajnim u zhvillua në datat 16-17-18 tetor, me pjesëmarrjen e 20 infermierëve të shërbimeve parësore të Tiranës, Spitaleve Rajonale Durrës, Lezhë, Korçë e SUOGJ “Mbretëresha Geraldinë” , Spitali Hygeia.
Me anë të këtij trajnim QKEV synon gjithashtu të mbështesë Programin Pilot të Ricertifikimit për infermierët të ndërmarrë nga Ministria e Shëndetësisë për periudhën 2012-2014.
Ky trajnim u zhvillua me mbështetjen e projektit Sistemi për Zhvillimin Profesional - Kooperacioni Zviceran.
