Bordi i Ricertifikimit dhe Akreditimit (BRA)
BRA-ja është organi më i lartë vendimmarrës në sistemin e ricertifikimit të profesionistëve të shëndetësisë dhe procesin e akreditimit të aktiviteteve të edukimit në vazhdim. Bordi përbëhet nga nëntë anëtarë, përfaqësues të institucioneve të mëposhtme:
- Ministria e Shëndetësisë;
- Qendra Kombëtare e Edukimit në Vazhdim;
- Instituti i Sigurimeve të Kujdesit Shëndetësor;
- Qendra Kombëtare e Cilësisë, Sigurisë dhe Akreditimit të Institucioneve Shëndetësore;
- Urdhri i Mjekut;
- Urdhri i Infermierit,
- Urdhri i Farmacistit,
- Fakulteti i Mjekësisë
- Shoqatat e Profesionistëve të Shëndetësisë.
BRA-ja ngrihet nga Ministria e Shëndetësisë dhe kryesohet nga ministri i Shëndetësisë. BRA-ja mblidhet katër herë në vit dhe në rastet kur është e nevojshme, kryetari mund ta mbledhë bordin edhe më shpesh. Vendimmarrja në BRA bëhet me shumicë të thjeshtë. Funksionet e BRA-s në procesin e ricertifikimit janë:
- Miratimi i ndryshimeve ose hartimi i procedurave, kritereve dhe standardeve të procesit të ricertifikimit të profesionistëve të shëndetësisë;
- Vendosja, publikimi dhe zbatimi i sanksioneve të parashikuara për ata profesionistë të cilët nuk kanë përmbushur kriteret e programit të ricertifikimit;
- Vendosja, publikimi dhe zbatimi i sanksioneve, në bashkëpunim me Institutin e Sigurimeve të Kujdesit Shëndetësor (ISKSH) dhe Qendrën Kombëtare të Cilësisë, Sigurisë dhe Akreditimit të Institucioneve Shëndetësore (QKCSA-ISH), ndaj institucioneve që punësojnë profesionistë që nuk përmbushin kriteret e programit të ricertifikimit;
- Lëshimi i dëshmive të ricertifikimit për profesionistët pas përmbushjes së kritereve të secilit cikël;
- Shqyrtimi i ankesave të bëra nga profesionistët për procedurat e njohjes dhe regjistrimit te krediteve përkatëse.
Funksionet e BRA-s në procesin e akreditimit janë:
- Miratimi i ndryshimeve ose hartimi i procedurave, kritereve dhe standardeve të reja të hartuara nga QKEV-ja mbi procesin e akreditimit të aktiviteteve të edukimit në vazhdim për profesionistët e shëndetësisë;
- Hartimi i listës së ekspertëve të pavarur për secilën fushë ekspertize, të cilët do të përfshihen në vlerësimin e jashtëm të aktiviteteve;
- Shqyrtimi i ankesave të bëra nga ofruesit për procesin e vlerësimit të jashtëm, të cilat nuk janë zgjidhur në bazë të procedurave të parashikuara në pikën F të kapitullit III, në Dokumentin Rregullator të Akreditimin e Aktiviteteve të Edukimit në Vazhdim.
|
Kërkesë individuale për njohje kreditesh
Të gjithë profesionistët e shëndetësisë që kanë marrë pjesë në aktivitete të edukimit në vazhdim, jashtë Shqipërisë, dhe që kanë kryer aktivitete individuale mund të njohin kreditet e përfituara duke plotësuar Kërkesën Individuale për Njohje Kreditesh .
Formulari i plotësuar mund të dorëzohet, bashkë me dokumentacionin e nevojshëm, me postë ose personalisht në adresën zyrtare të Qendrës Kombëtare të Edukimit në Vazhdim, nga e Hëna në Të premte ora 12.00 - 14.00
Lista e dokumenteve që nevojiten të paraqiten sipas aktiviteteve përkatëse:
Certifikata e pjesëmarrjes në aktivitet (konferencë, seminar, trajnim)
Programi i aktivitetit i detajuar me orë
Fotokopje e artikullit
Fotokopje e kapakut të revistës
Fotokopje e kapakut të librit
Fotokopje e faqes së parë të kapitullit
Fotokopje e kapakut të librit dhe faqes së autorëve
Fotokopje e faqes së parë të kurrikulës
Vërtetim nga fakulteti përkatës.
Mirësevini
Kjo faqe do t'ju mundësojë të njiheni me misionin, aktivitetin dhe funksionet e Qendrës Kombëtare të Edukimit në Vazhdim dhe sistemin e zhvillimit të vazhdueshëm profesional për të gjithë gamën e ofruesve të shërbimit shëndetësor në Shqipëri.
Edukimi në vazhdim përfshin ato aktivitete që zhvillohen pas edukimit akademik, që synojnë zhvillimin profesional të të gjithë profesionistëve të shëndetit.
Pjesë e zhvillimit të shoqërisë moderne është edhe kërkesa, vazhdimisht në rritje, e publikut për një shërbim shëndetësor më cilësor dhe të garantuar nga të gjitha nivelet e sistemit të shërbimeve shëndetësore.
Në mbështetje të përmirësimit të cilësisë së shërbimeve shëndetësore, Qendra Kombëtare e Edukimit në Vazhdim synon zhvillimin në vazhdimësi të njohurive dhe praktikave të profesionistëve të shëndetësisë si në sektorin publik dhe atë privat.
Qendra Kombëtare e Edukimit në Vazhdim planifikon dhe koordinon aktivitetet e edukimit në vazhdim, të ofruara nga institucionet dhe organizatat që kanë ekspertizë dhe eksperiencë në fushën e edukimit në vazhdim mjekësor në përputhje me politikat e Ministrisë së Shëndetësisë. QKEV ofron mbështetje teknike me qëllim përmirësimin e cilësisë së këtyre aktiviteteve dhe monitoron zbatimin e standardeve të cilësisë.
Stafi i motivuar i QKEV-së është i përkushtuar në përmbushjen e misionit tonë.
“Kush dëshiron të mjekojë, nuk duhet të rreshtë së mësuari”
Kjo faqe do t’ju mundesojë të njiheni me misionin, aktivitetin dhe funksionet e Qendrë Kombëtare të Edukimit në Vazhdim dhe sistemin e zhvillimit te vazhdueshëm profesional për të gjithë gamën e ofruesve të shërbimit shëndetësor në Shqipëri.
Edukimi i vazhduar përfshin ato aktivitete që zhvillohen pas edukimit akademik, që synojnë zhvillimin profesional të të gjithë profesionistëve të shëndetit.
Pjesë e zhvillimit të shoqërisë moderne është edhe kërkesa, vazhdimisht në rritje, e publikut për një shërbim shëndetësor më cilësor dhe të garantuar nga të gjitha nivelet e sistemit të shërbimeve shëndetësore.
Në mbështetje të përmirësimit të cilësisë së shërbimeve shëndetësore, Qendra Kombëtare e Edukimit në Vazhdim synon zhvillimin në vazhdimësi të njohurive dhe praktikave të profesionistëve të shëndetësisë si në sektorin publik dhe atë privat.
Qendra Kombëtare e Edukimit në Vazhdim planifikon dhe koordinon aktivitetet e edukimit të vazhduar, të ofruara nga institucionet dhe organizatat që kanë ekspertizë dhe eksperiencë në fushën e edukimit të vazhduar mjekësor në përputhje me politikat e Ministrisë së Shëndetësisë. QKEV ofron mbështetje teknike me qëllim përmirësimin e cilësisë së këtyre aktiviteteve dhe monitoron zbatimin e standardeve të cilësisë.
Stafi i motivuar i QKEV-së është i përkushtuar në përmbushjen e misionit tonë.
|
|
|
|
|
|
|
JPAGE_CURRENT_OF_TOTAL |
Dokumenti Rregullator për Akreditimin e Aktiviteteve të Edukimit në Vazhdim
