Përmirësimi i cilësisë së shërbimeve shëndetësore është i lidhur ngushtë me zhvillimin e burimeve njerëzore në sektorin e shëndetësisë.
Duke parë rëndësinë e zhvillimit dhe mbajtjes në nivele sa më bashkëkohore të dijeve, aftësive dhe kompetencave të profesionistëve të shëndetësisë, kërkesat për edukimin në vazhdim tashmë janë sanksionuar në ligjin “Për Kujdesin Shëndetësor në Republikën e Shqipërisë” në nenin 33 të tij.
Në  zbatim të këtij kuadri ligjor Ministria e Shëndetësisë ka hartuar dhe aprovuar “Dokumentin e Ricertifikimit të profesionistëve të shëndetësisë”.
Në këtë dokument përcaktohen :

1. Llojet e aktiviteteve të edukimit në vazhdim me kreditet përkatëse,
2. Kategoritë e profesionistëve të përfshirë në këtë program ricertifikimi,
3. Procedurat që duhen ndjekur nga profesionistët e shëndetësisë për të përmbushur kërkesat dhe detyrimet e bazuar në programin e ricertifikimit,
4. Si dhe rolet e institucioneve shëndetësore në mbarëvajtjen dhe zbatimin e programit të ricertifikimit, duke përfshirë dhe sanksionet në rast mospërmbushje të kërkesave të programit të ricertifikimit.

Për informacion të mëtejshëm konsultoni:
Kuadri Regullator për Ricertifikimin e Profesionistëve të Shëndetësisë