UDHËZUES MBI PROGRAMIN E RICERTIFIKIMIT PËR PROFESIONISTËT E SHËNDETËSISË

Një nga sfidat më të rëndësishme të reformës së sistemit shëndetësor shqiptar është përmirësimi i cilësisë së shërbimeve shëndetësore. Ky përmirësim është i lidhur ngushtë me zhvillimin e burimeve njerëzore në sektorin e shëndetësisë. Në këtë kontekst po ngrihet dhe zhvillohet një sistem i edukimit në vazhdim për profesionistët e shëndetësisë, në mënyrë që ata të përmbushin me sukses funksionet e tyre në ruajtjen dhe përmirësimin e shëndetit të popullatës.

DOKUMENTI I PLANIFIKIMIT INDIVIDUAL TE AKTIVITETEVE TE  EDUKIMIT NE VAZHDIM PER PROFESIONISTET SHENDETESISE

Ky dokument ka si qëllim të ndihmojë profesionistët e shëndetësisë në procesin  e planifikimit individual të aktiviteteve të edukimit të vazhdueshëm dhe zhvillimit profesional të tyre. Dokumenti është hartuar për mjekët e përgjithshëm dhe specialistë të tre niveleve të ofrimit të shërbimit të kujdesit shëndetsor ; për stomatologët dhe farmacistët që punojnë në sistemin publik të shërbimeve shëndetësore ashtu edhe në atë privat.

DOKUMENTI  RREGULLATOR  PËR  RICERTIFIKIMIN E PROFESIONISTËVE TË SHËNDETESISË

Ky dokument ka për qëllim të ofrojë një kuadër rregullator për ngritjen e sistemit dhe zbatimin e programit të ricertifikimit të profesionistëve të shëndetësisë. Procedurat, kriteret dhe standardet e parashikuara në këtë dokument i referohen sistemit të ricertifikimit të mjekëve, stomatologëve dhe farmacistëve që ushtrojnë profesionin e tyre në Republikën e Shqipërisë.

STANDARDET E AKTIVITETEVE TE EDUKIMIT NE VAZHDIM

Ky dokument synon të ofrojë një kuadër reference për zhvillimin e aktiviteteve të edukimit në vazhdim për profesionistët e shëndetësisë, si për ata që organizojnë dhe ofrojnë një aktivitetet, ashtu edhe për profesionistët që marrin pjesë në to.